زي ما فهمناكم المقال اللي فات... جزء كبير من قبولك في الجامعة بيعتمد على درجاتك في ال standerized tests أو الأمتحانات المطلوبة من الجامعة و أكيد لما تدخل موقع الجامعة و تشوف متطلباتها هتلاقيهم طالبين امتحان أو أكتر من دول 1- Language proficiency tests و دي ببساطة امتحانات إجادة اللغة الإنجليزية؛ و دا لأننا لغتنا الأم مش الأنجليزي فطبيعي هيكونوا عايزين يتأكدوا من مستوانا فيها، و من أهم امتحانات إجادة اللغة الإنجليزية هي ال IELTS و ال TOEFL ،و كلمناكم عنهم أكتر قبل كدا من خلال مقالتنا هنا و في امتحانات بتكون خاصة بالجامعة نفسها زي UCLES أو University of Cambridge Local Examinations Syndicate 2 - Medical tests و دي امتحانات بتاخدها لو هتدرس في التخصصات الطبية و أهمهم : - BioMedical Admissions Test (BMAT) و دا مطلوب لو هتدرس تخصص زي الطب، طب الأسنان أو ال biomedical science في أي جامعة - Health Professions Admission Test (HPAT Ulster) و دا امتحان مهم لو هتدرس طب أو Public health -UK Clinical Aptitude Test (UKCAT) و دا كمان امتحان لو هتدرس طب...