معلومات أكتر عن المدرسة
Think Global School هي مدرسة ثانوي بتدرس فيها كل سنة دراسية في 4 بلاد مختلفة لمدة 3 سنين ، يعني هتكون سافرت أكتر من 10 دول لما تخلص الثانوية !
المدرسة بتعتمد انها تعلم الطلاب المهارات اللي هيحتاجوها فعلا في حياتهم ، و المناهج بتكون مبنية على نظام التعلم الذاتي و التطبيق العملي على مشاريع حقيقية و الأستكشاف علشان تلاقي المعلومة .
مين متاح ليه انه يسجل؟
المدرسة عاملة طريقة جميلة للتأكد ان سنك مناسب للمدرسة، هتدخل على الموقع هنا و في آخر الصفحة بتدخل تاريخ ميلادك و هو بيوضحلك سنك مناسب للتقديم و لا لا و مناسب للتقديم في سنة كام ، مثلا لو مواليد 2005 فهيكون متاح لك التقديم و هتكون دفعة 2022-2023 في grade 11 ، و متوفر انك تدرس 3 سنين او 2 بس على حسب انت داخل من اي سنة دراسية.
المصاريف
أكيد مدرسة زي دي هتكون غالية، بس الجميل انها مش كدا، المدرسة بتوفر منح مختلفة على حسب احتياج الطلاب، لما بتقدم و تكمل كل المراحل و تتقبل بيطلب منك أوراق تثبت الحاجة المالية و على أساسها بيحددوا قدر المنحة
اسلوب الدراسة
نفس ما قولنا قبل كدا، بتدرس لمدة سنتين أو 3 و المنهج كله طبعا بالأنجليزي و التواصل كمان بالأنجليزي، فلازم تكون كويس جدا في الانجليزي و تعرف تتكلم و تقرأ و تكتب بالأنجليزي، و دي من شروط التقديم كمان.
السكن
المدرسة داخلي يعني الطالب بيسكن في نفس المدرسة، و بيكون في مبنى للبنات و مبنى للأولاد، و المدرسة هي اللي بتتكفل بغذاء الطالب و صحته العامة
طريقة التقديم
اول مرحلة من التقديم و اللي حاليا فاتحة، هي تسجيل رغبتك في الأنضمام، هتسجل فيها من هنا، دي بتكون اول خطوة و فيها بياخدوا سنك و بياناتك علشان يتأكدوا انك مطابق للشروط المبدئية، بعدها بوقت بيبعتولك الأبليكيشن الرسمية للتقديم و بتملاها، و بعدين لو اتقبلت فيها بيعملوا معاك انترفيو، و دا بيحدد إذا كنت هتتقبل في النهاية و لا لا.
و دي كل التفاصيل عن المنحة لحد دلوقتي، و تابعنا علشان تعرف تفاصيل اكتر
موقع المنحة هنا
تعليقات
إرسال تعليق