فاضل أقل من شهر على موسم التقديم في جامعات أمريكا، تقدر تستغل الفترة دي في إنك تجهز أوراقك و تظبط احتياجاتك علشان تضمن إنك تزود نسبة قبولك في الجامعة اللي حاببها.
جيبنالكم انهاردة كورس عن التسجيل في جامعات أمريكا من
Coursera
و اللي هيساعدكم تعرفوا كل حاجة عن التقديم على الجامعات الأمريكية و ازاي تجهزوا اوراقكم زي
essays, personal statement, motivation letter
:المحتويات
The U.S. Admissions Process
و هنا هتتعرف عن التقديم و ازاي بيكون مختلف عن التقديم هنا في مصر، و تتأكد ازاي انك مناسب للجامعة
Self-Assessment
و هنا هتعرف اكتر عن نفسك و ايه اللي بتحبه و بتكرهه و ايه اللي مناسب ليك و ايه لا، و كمان هتعرف ازاي بيقيموك من خلال الأبليكيشن بتاعتك، و دا هيساعدك تعرف تكتب ايه في الأبليكيشن
Research & Planning
و هنا هتستخدم كل المعلومات اللي عرفتها عن نفسك علشان تبدأ تدور على الجامعات المناسبة، و هتتعلم في الجزء دا ازاي تبحث عن الجامعات، و تعمل ال college list ، و تعرف الخطة اللي هتمشي عليها علشان الأبليكيشن
The Pieces of Your Application
هنا هتعرف أجزاء الأبليكيشن و تتعامل معاها ازاي، و تعرف ازاي بيقيموك على اساسها
الكورس مش مجاني لو عايز شهادة، لكن ممكن تعمل Enroll for free ، و هتستفيد من المحتوى كله عادي جدا، و ممكن كمان تقدم على دعم مالي لو مصمم اوي على الشهادة ( مع ان شيفاها مش مهمة لأن محتوى الكورس نفسه أهم)
لينك الكورس
تعليقات
إرسال تعليق