كيف تختار جامعاتك في الأمم المتحدة؟

 

مقال جديد من سلسلة الدراسة في الأمم المتحدة 

إنهاردة هتعرف ازاي تختار جامعة مناسبة ليك و  تضمن إنك تتقبل في واحدة من الجامعات اللي مقدم عليها

في البداية إحنا عارفين طبعا إن قدامنا 5 جامعات بس نقدم عليهم.. علشان كدا يعتبر أهم جزء في التقديم هو البحث عن الجامعات

لما نبحث عن الجامعة لازم نلاحظ كويس الثلاث حاجات دول

1- Courses

2-Selectivity

3-Diversity

1-Courses

بنشوف الجامعة بتوفر تخصصات إيه علشان تدرسها.. و زي ما أتفقنا Course يعني برنامج دراسي في بريطانيا 

هتختار المجال اللي أنت حابب تدرسه و تشوف أفضل الجامعات فيه.. و نأخد بالنا إن المجال أهم من اسم الجامعة.. يعني لو عندك جامعة زي أوكسفورد بس مش متميزة في المجال الدراسي اللي إنت اختارته.. فشوف جامعة تانية.. و كدا إنت قللت إختياراتك للجامعات و جاهز تنقل على الخطوة الجاية

2-Selectivity 

و دي نسبة القبول في الجامعة 

في جامعات highly selective ،يعني بتختار نسبة قليلة بس من المتقدمين و الجامعات نسبة الأختيار أو ال selectivity فيها بتقل لغاية ما ممكن توصل لفوق ال 90%

يعني بنسبة 10% بس ممكن تترفض

و علشان تضمن إنك تتقبل في جامعة واحدة على الأقل لازم تختار الجامعات كالآتي :

جامعتين واثق إنك هتتقبل فيهم (متطلباتهم أقل من مستواك ونسبة القبول فيهم عالية)

جامعتين متوسطتين (متطلباتهم نفس مستواك بالظبط و نسبة القبول فيهم متوسطة)

جامعة أعلى من مستواك (متطلباتها أكثر شوية من مستواك و نسبة القبول فيها قليلة) زي كامبريدج مثلا..

و هتلاقي ترتيب الجامعات حسب نسبة قبولها للطلاب في الجدول دا

و هتلاقي في اللينك دا جدول بترتيب الجامعات البريطانية من حيث نسبة القبول

3-Diversity

علشان تتأكد إن اختيارك في الجامعة كان صائب و علشان متتعرضش لأي مشاكل نفسية زي العنصرية أو التنمر لازم تشوف تنوع الجامعات اللي بتقدم عليها.. و هي بتبقى عبارة عن نسبة مئوية و كل ما زادت يبقى معناه إن الجامعة بتقبل ناس من ثقافات و دول مختلفة.. و دا أثبت إنه بيقلل مشاكل العنصرية و التنمر لأن كلكم بتكونوا مختلفين فمحدش هيتريق على حد

و في الآخر في حاجات ممكن تبص عليها زي نشاطات الجامعة مثلا و هل هي في مدينة و لا ضاحية صغيرة لو بيفرق معاك النشاطات اللي خارج الجامعة.. و دايما متخليش مصاريف الجامعة في بالك لأن في نهاية السلسلة هعرفك إزاي تأخد تمويل يغطي كل مصاريفك الدراسية و هنعرف أكثر على المنح الدراسية للدراسة في الأمم المتحدة